‫#‏وجـهـة_نـظـر‬ [7]
‫#‏الفصال_و_البائعين‬..!!

* البني ادم المصري عنده كريات دم بيضا وحمرا وجنبهم عرق اسمه عرق الفصال ودا عرق يتغذي علي تخفيض الاسعار وينمو علي عصبيه البائع اللي بتأدي للسب

* الست المصريه من اكتر الناس اللي بتسبب رعب للبائعين .. بيبقي يوم اسود علي البياع لما يلاقي مجموعه ستات داخلين يشترو منه بيحس ان فِ هجوم عداوني ومؤامرات صهيونيه .. الفصال من مميزات الست بعد الزن طبعاً .. مجرد ما البياع يقولها سعر السلعه مثلا 70ج هي تنزل النص وش تقوله لاء دي بـ35ج انا جيباها من اسبوع وبعدين احنا زباينك من زمان مع ان المحل فاتح من يومين اصلاً !

* الشباب ف الشوبينج مش بياخد معاه غير 2
00ج وبينزل يروش نفسه ودا مش عشان بيجيب حاجات رخيصه بالعكس بيجيب حاجات شيك جداً بس هو والتاجر فاهمين لغه بعض .. تلاقيه بيقوله ياعم انا زبونك وجايلك تبع حماده بلاعه والتاجر يجامله عشان هو تبع حماده بلاعه اللي مايعرفوش اساساً .. والاتنين بيشتغلو بعض يعني مثلا لو قاله انت منين ياشبح وقاله من الصين تلاقيه بيسألو تعرف ابراهيم سونج عبدالله يونج وائل هونج كونج والتاني بيطلع عارفهم عادي !!

* البنت ف الفصال بتنقسم لنوعين نوع كيوت زي البنت اللي بترقص بكتفها ف الفرح وتلاقيها داخله المحل تعجبها اي حاجه تسأل بكام ولو اتفاجئت ان السعر غالي بتستعمل نظريه " احيه احيه يلا نحور عليه " وتقو للتاجر ياه لو فِ منها فوحلقي مشمشي بجوز الهند الاسكتلندي .. النوع التاني شاربه الصنعه من امها وبينطبق عليها مثل " اقلب القدره على فومها تطلع البنت لامها " دي بقي بتطلع عين ام التاجر فِ المقاسات والالون والموديلات وف الاخر بتاخد طرحه ب 15ج

* لو لقيت محل كاتب ‫#‏خصومات_الشتاء‬ اشتري سويت شيرت بسعر خيالي 149.99ج بدلاً من 150ج دا تجيب قالب طوب وف ام الازاز بتاع المحل عالطول

* فِ بياع عامل ان مهضوم حقه يقول بص اباشا اوقسييم بالله علطلاق انا طالع من السبوبه دي ب 2ج ويبدأ بقي يصنفلك تمن الحاجه بيتقسم ازاي والمصنع بياخد كام والايجار النوع دا تكرمشله 5ج فِ ايده وتمشي لان دقيقتين وهيصعب عليك وممكن يدفعك ضعف الفلوس ويخليك تاخده البيت تعشيه وتديله طقم من عندك