‫#‏وجـهـة_نـظـر‬ [8]
‫#‏الكُرَه_ف_مصر‬ ..!!

كره القدم من اجمل وامتع أنواع الرياضه فِ العالم بس المنطق دا اتغير كلياً واتحول من اجمل وامتع لـ ولع وكسر !!

لو بصينا ع قطبي الكره المصريه , الاهلي والزمالك اللي المفروض بيمثلو مصر هتلاقي ف الملعب 22 لاعب لو لاعب اتعصب ع التاني او خرج عن النص دا بيكون سبب ان ملايين المشجعين تتخانق وتشتم وتكره وتضرب والموضوع ممكن يوصل لموت !! يبقي بسبب لاع
ب بياخد ملايين احنا بنخسر بعض ! لما بتشوف اللاعب متعصب دا مش انتماء 90% من اللاعبين تعصبهم هو خوف ع مكانهم ف الملعب وخوف ع اجرهم .. ودا مايمنعش ان ف لاعبين للأنتماء عنوان

جمهور الاهلي والزمالك ع الفيسبوك حاجه تحزن !! لما اكون مصري واهلاوي واشجع فريق زي النجم الساحلي مع احترامي لشعب تونس يبقي انا مش بكره الزمالك انا بكره بلدي ! انت مش مُدرك ان لما الاهلي والزمالك يوصلو نهائي دا اسمه ايه ؟ دا اسمه انك بترفع اسم مصر ودا بيقدم مصر ف الترتيب الافريقي والعالمي وبتوجه رساله للعالم بتقول إن مصر فيها كره قدم

موضوع الكره للجمهور !! فعلاً الكره للجمهور المُحترم اللي وقف ورا ناديه اللي عمل قيمه واسم للاعبين .. الجمهور اللي منه موظف بيجري بعد شغله عشان يلحق يشوف الماتش واللي هو نفسه الطالب اللي بيستأذن من اهله عشان يشوف ماتش مع صحابه واللي ممكن يأجز من شغله عشان ماتش .. نفس الجمهور اللي مات وهو بيمارس ابسط حقوقه اللي هو التشجيع

لما بشوف السوريين ف مصر وهما بيحبو بعض وبيخافو ع بعض بحزن ع حالنا واننا بنخسر بعض عشان اهلاوي ولا زملكاوي ومتصدر دوري ولا بتعادل مع فريق ضعيف !

محتاجين الانتماء وغيرتنا ع بلدنا ترجع !! عاوزين نتعلم من السورين حبهم لبعض وخوفهم ع بعض !! عاوز نتعلم من المسلمين وحدتهم واستقامتهم ف الصلاه !! عاوزين نتعلم من المسيحين غيرتهم ع دينهم وأحترامهم لبعض !! عاوزين نتعلم نبقي بشر بجد