‫#‏وجـهـة_نـظـر‬ [1]
‫#‏دراما_هندي_أم_المصري‬..!!

* الدراما التركيه بعيداً عن عدد حلقتها اللي بيوصل 500حلقه بس بنستمتع بالمناظر الخلابه ف تركيا, الدراما الأجنبيه بتاخدنا للخيال وبنبني فيه قصص حُب مستحيل نعيشها لان العلاقه عندنا بتنتهي عند انه مش عاوز يديها باسورد الفيس، أما الدراما الهنديه ف انا اتابع فيديوهات الخليل كوميدي افضل من ان اتابع مسلسل الوعد واشوف شعر سامي العدل يتجسد قدامي ف السيد جاي والي

* فِ ڨيديو انتشر لست بترقص فِ دريم بارك والسوشيال ميديا كالعاده حول الڨيديو لمخطط ماسوني صهيوني والاراء كانت بين انها حريه شخصيه او انعدام أخلاقي "ختوا بالكوا من حته انعدام اخلاقي دي تحسوني مثقف ها ها" المهم, سبب الڨيديو دا الأفلام الهندي لأن الست توقعت انها هترقص وتلاقي كله نازل رقص معاها والدنيا تمطر وشاروخان هياخدها بالحضن ويركبوا الفيل

* مسلسل "جودا اكبر" فيه مشهد عباره عن مطر وبنت واقفه والمطر مغرقها ف لقيت رجل عملاق كسر عشه وشال سقف العشه ووقف جنبها عشان يحميها من المطر! عيني دمعت من المنظر ووقعت علي الارض, وبعدين قولت طب هو ليه مدخلهاش العشه اسهل, وجه فِ بالي منظر السقا فِ فيلم افريكانو لما كان بينط ف الشلال عشان يثبت حُبه لمني زكي عرفت وقتها ليه سعد زغلول قال مافيش فايده

* الأفلام الهندي اثرت علي الشعب المصري بشكل مبالغ فيه مثلاً تيجي تتقدم لبنت ابوها يقولك انا بنتي تتاقل بالدهب دا علي اساس انها بنت المهراجا كان خابور تتاقل بدهب مين ياعم دا احنا لسه ماتغدناش

* لما نتكلم عن الافلام الهندي يبقي لازم ولابد نذكر دور البنت المصريه اللي بتفتي وتقول انا متقدملي 4 عرسان طيار ودكتور ومهندس وطقم بايركس 5 قطع دول كدا مش متقدمينلك دول داخلين سحب عليك !

* موهبه الافلام الهندي بتبان عند الشباب لما يقرر يفكس للبنت اللي بيحبها ويبدأ يشتغلها "حبيبتي انت تستاهلي حد احسن مني انا بفحر ف الصخر عشان اصرف علي اخواتي ولما البنت تقوله انت اصلا معندكش اخوات! يقولها شوفتي وكمان طلعت وحيد عشان تعرفي بس ان انا شايل هموم الكون فوق دراعااتشي

#الدكتور