‫#‏وجـهـة_نـظـر‬ [2]
‫#‏صورتك_و_إنت_صغير‬..!!

* معروف لما بضغط ع الـ Home بلاقي بوست حزين عند إسراء، شيماء عملت Relation مع علاء، سيساوي vs إخواني، صوره بنت أوبن مايند، مسابقات الشحاتين بتاعت اعمل لايك واكسب خلاط قصدي سيشن فري، بيدج Italian Zamalkawy بتقول جول ما اتحسبش لدواعي أمنيه، بيدج الأهلي اليوم بتقول متصدر لا تكلمني، لكن أفتح الـ Home ألاقي نفسي ف الحضْانه وصور رُضع وسلوبيتات وبامبرز !

* مافيش اي مانع تحط صورتك ع الفيس وانت صغير بس ليه تحط صورتك بلبوص ! فين الـsexy ف الموضوع ياعره الرجاله ! مش دا اللي بيتبين جبتولنا العار

* البنت اللي نزلت صورتها ف الايڨينت وبتقول الشياكه عنواني ! أؤمريني يافندم ؟ شياكه ايه حضرتك انتي مش واخده بالك من ستاره المطبخ اللي انتي لابساها !

* الكابتن اللي نزل صورته وهو بيضحك وكاتب " الضحكه عنواني" شكلك نسيت استوديو حنان وامك مكدراك عشان تتصور ولما تعيط تقرصك ف فخدك وتطلع المصور برا وتنزل تطبيل علي وشك لغايت م يبانلك صاحب !

* بنت منزله صوره وهي طِفله وكاتبه كُنت فِ قمه جمالي، يعني قرعه ومالكيش سنان ووشك كله خدود بس دا قمه جمالك! اومال انتي دلوقتي ايه علبه سلمون

* الولد اللي نزل صورته وماسك مسدس وكاتب شبح أمبابه، شبح ازاي يعني بتختفي وتظهر ولاايه مش فاهمك! ياحبيبي دا مسدس مايه ارشك بيه تقول يحح

* ف نوع من البنات داخل الإيڨنت تحت مبدأ "يلا عشان مستعجله مستعجله خالص مستعجله اوي" أرتشباط عاوزه ارتشبط" إنتي فاكره نفسك فِ سوق الرقيق يا بايره

* ف نوع من الشباب إتحول للداعيه عمرو خالد وبعت للبنات رسايل "ممكن تمسحي صورتك؟ حقيقي خايف عليك من الحسد ! قلب امك يا حنين طب ماتقوم تبخرها "بخري وخمسي"، اختاااه صورتك مليئه بالمفاتن أرجو منك أن تحذفي الصوره كي لا نُثيري الشباب ولو حبيتي تعرفي اصول دينك دا عنواني الشقه 3 اوض وصاله وبحوش ف الحصاله تنترلالم تن تن !

#الدكتور