#وجـهـة_نـظـر [3]
#كائن_الطنط_..!!
#كائن_الطنط_..!!
* بصي ياطنط مافيش مبرر يخليكِ تقولي للبنت "كُلي واتخني عشان جسمك يدور ويحلو بدل ما انتي معصعصه وماعندكيش فخاد" إنتي مالك بفخادها ياطنط ! هو حضرتك كان عندك نقص فخاد وانتي صغيره !
* محدش هيقبل ب ابنك المعفن طول ما انتي ف الرايحه والجايه تحكي عنه آد ايه هو شاب مثالي وناجح فكك من الاسطوانه دي ياطنط وجو هي دي نهي وهو دا الزبون إنسيه خالص البنت عندها تقعد من غير جواز افضل من جواز الصالونات دا !
* ياطنط لما تروحي زياره عند حد وعندهم بنت علي وش جواز ابوس ايدك بلاش تبصيلها من تحت لفوق اقسم بالله بتحسسيها انها دولاب وانتي جايه تحملي وتمشي عيب ي طنط ماتبقيش عره اشربي العصير وامشي من سُكات
* مش هنفرح بيكِ؟ عاوز افهم انتي ليه تفرحي بيها ؟ انتي امها ؟ لأ، ابوها ؟ لأ، إنتي حماتها جوزها اختها اخوها ؟ لأ، يبقي تخرسي خالص وما اسمعش صوتك !
* ليه ياطنط كل ماتشوفيها تقولي "جسمك صغير ومسلوع كده ليه, محدش هيبصلك و انتي كده " ده منظر واحده ف جامعه دي بنتي ف 3 اعدادي و تخلفك، إنتي مال أهلك ياطنط ؟ وبعدين مش ذنبها إن بنتك جاموسه يعني !
* الطنط اللي شغاله خاطبه وكل شويه شوفتلك عريس, وتسمعلك ال cv بتاعه ! الطنط دي عدت ال لفيلات و قابلت التنين اللي هيولع ف وشها ان شاء الله, يا طنط هي مش بايره والله ومش محتاجه لخدماتك, ياريت تخليك ف حالك لكن ازاي تخليك ف حالك! لازم تبقي في حالك وحال اللي حواليك؟ إلاهي يحلوا وسطك يابعيده !
* رجاء يا طنط بلاش سؤالك الفقيع بتاع " انتي بتدرسي ايه يا حبيبتي؟" عشان لو قالتلك بدرس "التفاعلات الذريه الناتجه عن اندماج الالكترونيات الساقطه عمودياً علي سطح الكوكب " بكل برود هتقوليلها البنت مالهاش غير بيت جوزها ! بلاش إحباط يابرميل نكد متحرك
#الدكتور
#الدكتور
ليست هناك تعليقات:
إرسال تعليق