#وجـهـة_نـظـر [13]
#ريهام_تعيس ..!!
#ريهام_تعيس ..!!
- احكيلي مشكلتك وماتخفش دي دردشه قبل البرنامج مالهاش علاقه بالحلقه
= طمنتيني, لما امي خانت ابويا مع فرج السواق اللي دلعه فيجو عمتي عرفت بالقصه وفضلت تذل امي وتاخد منها فلوس وكوبيات من النيش وملايات سرير
- مش ندمان !
= ندمان ايه !! انا بحكيلك اللي حصل وبعدين انا اصلا ايه علاقتي بالموضوع
- اه صحيح .. سوري اصل فكرت اننا ع الهوا واندمجت شويه
= المهم امي كانت عامله جمعيه بخمسوميت جنيه عشان تجيبلي اي فون ولما عمتي عرفت خدت الفلوس من امي عشان م تفضحهاش قدام ابويا
- عارف انت ايه ؟ انت حيواااااااان
= انا !! طب ليه الغلط دا دلوقتي بقي
- سوري مش ليك انا بكلم بتاع البوفيه , الحيوان عامل النيسكافيه من غير سكر
= المهم يا استاذه ابويا عرف بالقصه وقفش امي وفرج السواق مع بعض وجري علي النيش يجيب سكينه عشان يقتلهم وفضل يدور بس للأسف ملاقاش حاجه .. اتعصب جداً وسأل امي فين السكاكين ياوليه امي عيطت جامد وقالتله ان اخته كانت بتعايرها بالخيانه وبتاخد منها فلوس وحاجات من النيش ابويا طبعاً فهم ان طقم السكاكين راح لعمتي جاتله سكته قلبيه ومات وهي دي كل الحكايه يا استاذه
- راضي عن نفسك !!
= وبعدين بقي في الليله السودا دي انت رجعتي تندمجي تاني ولا ايه
- سوري معلش .. المهم بص للكاميرا عشان هنطلع هوا , ورجعنا مره تانيه فِ حلقه جديده من برنامج صبايا الخير .. وبناشد رجال الاعمال تقف مع الشاب ابراهيم وتساعده يجيب ايفون, فِ رساله واحد بيقول ربنا يخليكي لينا يا استاذه ريهام وفورمه شعرك جميله .. احب اقولك انت حيوان ورساله زي دي ماتتبعتش غير من حيوان ازاي تاخد بالك من شعري ومش شايف المانيكير اللي يجنن دا ,, نكمل رسايلنا فِ واحد بيقول ان ابراهيم شخص تافة وازاي نعمل حلقه تافهه زي دي واي فون ايه اللي نجيبه اتفووووو .. اكيد اتفوو دي ل ابراهيم مش ليا خالص احب اقول للأستاذ المحترم اللي بعت الرساله .. ابراهيم دا ارجل منك ومر بظروف صعبه و....
= ابوس ايدك يا استاذه اسكتي وبلاش فضايح
- اخرس انت, ابراهيم اتحمل خيانه امه مع فرج السواق اللي دلعه فيجو
= يافضحتك يا ابراهيم .. يا استاذه عشان خاطري اسكتي
- لا يا هيما مش هس
كت لازم نعرف المشاهدين انك مش تافهه , ابراهيم ياساده كان هيجيب اي فون من الجمعيه اللي امه عملاها بس الجمعيه دي راحت فين هاا حد يقولي ؟ لاء مارحتش صندوق تحيا مصر دي راحت لعمته اللي ماسكه سديهات علي امه وهي بتخون جوزها مع السواق فرج اللي دلعه فيجو
= يا استاذه نسيتي تقولي عن السكاكين والنيش والملايات يلا بالمره بقي
- سوري يا هيما انا ماكنتش هاحكي بس هو اللي عصبني
= ما سألتيش نفسك انك تفضحي خلق الله دا صح ولا غلط
- سألت نفسي كتير مارستش يوم علي بر
= نعم !!
- انا اللي فيا الخير ولا اللي فيا الشر
= ........
#الدكتور
ليست هناك تعليقات:
إرسال تعليق