‫#‏وجـهـة_نـظـر‬ [14]
‫#‏الفيسبوك‬ ..!!

الفيسبوك الشرقي هو قهوة حكاوي اي موقف يحصل لازم نكتبه زي خرج ، نام ، شرب ، انتحر .. إلخ , حتي لو دخل الحمام يحدث حالته الي "يشعر بالراحه "

وجود العيله ع الفيسبوك اخطر من وجود تنظيم داعش, لو كتبت ستاتس "اه من الفراق" خالتك تقولك فِ كومنت الفراق صعب اوي يالولو وحشتيني ووحشني المحشي بتاع امك, فاكره وانتي صغيره لما كنتي بتعملي بيبيه فِ البلكونه, ده طبعاً غير عمتك اللي بتعملك صوره ورده تاج وتقولك ميرسي لقبول طلب الصداقه, وجود العيله ع الفيسبوك صعب لكن الحمدلله علي نعمه البلوك ولو سألوك ليه صورتك بيضا ومش باين ؟ قولهم الاكونت بتاعي مخفي مط اقواس دحلاب كده

الماسدجات يعني ناس تطمن ع بعض ،حد عاوز يقولك حاجه مهمه, لكن رسايلنا عباره عن "ان لم ترسلها ل عشره آخرون هتولع بليل" دا اعتبار ان اكونت ابو جهل مثلاً ! او تلاقي حد يقولك ممكن لايك علي بوست يارب اموت وتعمل كومنت وتقولي بعد الشر عليكي يادودو , دا طبعاً غير كوكب other message عباره عن منتديات ابو نوّاف للتعارف الجاد ، تلاقي واحد داخل كاتبلك ال cv بتاعه و معجب بحواجب حضرتك, او بيدور ع فتاة احلامه ووقع فِ غرامك من اول بوست ! لو عملتيله لايك ، بكل هبل هيتقمص دور عادل امام ويقولك * بتحبيني يا هُدى *

اسماء الاكونت شئ مبهر الصراحه, ساره مغاره ، عبير سرير ، بنوته دلوعه ، جذاب لدرجه العذاب ، اسير الاحزان " دي مش اسامي بني ادمين دي كائنات ايبولا

انتي مش مُجبره تحطي صورتك بس ليه تصوري رجلك والشوز بتاعك او كف ايدك والمانكير اكيد مش هتعملي سحب ع اعضائك ! ذنبي ايه اشوف صورة واحده بتقطع شراينها او بنت قاعده ف ركن مُظلم وبتعيط وتقوليلي عُمق فين العُمق ف كدا اوضه ضلمه يعني يا مخطوفه يامحبوسه , وانت ليه تعملي تاج ف صورتك بالنضاره الشمس فِ صالون بيتكو ! مش fair خالص صدقني ، و مرات عمك تقولك قمرر ي ميدو ي حبيبي سلملي ع ماما ، انتو غيرتوا الصالون بتاعكو امتي !!

ستاتس حاله, يعني دون حاجه, يعني اكتب بوست ف حب شئ ما, ليه موجهه ومقصوده وجو تلقيح المصاطب دا ليه عشان غيرانه من نورهان تكتبي "يكفيك شر المعفن لما ينضف" وهاشتاج موجهه ! ليه مضايقه يا إسراء ان ساره اتخطبت ! محروقه ليه ! ماتقوليلها مبروك وبلاش نكد وشغل منفسنين وتحبطي البت, ومقضياها لان الحلال اجمل سأنتظر" لاء انتي هتنتظري عشان انتي وحشه ودكر

#الدكتور