#وجـهـة_نـظـر [21]
#كيف_اصبحنا_عباداً_رمضانيون_وليس_ربانيون ..!!
#كيف_اصبحنا_عباداً_رمضانيون_وليس_ربانيون ..!!
* تحول شهر رمضان من 30يوم لـ 30حلقه, تحولنا من ارضي ربك دائماً لـ "دا شهر فِ السنه يااخي استحمله" محسسني ان رمضان دا ضيف ياخد واجبه ويغور, لو سألت حد النهارده كام رمضان هيبدأ يفكر هو شاف كام مقلب من رامز جلال !
* البرامج الدينيه اصبحت بتنافس بعض ف تتر البرنامج والديكور اكتر ما بيهتموا بمحتوي البرنامج !! سعر ديكور البرنامج كفيل انه يحل مشاكل قريه
* ليه البرامج الدينيه بتكتر فِ رمضان؟ عشان هو شهر مُبارك وكله بيحب الخير صح !! لاء غلط هما بيكترو فِ رمضان عشان سببين !! اولاً هما عارفين انك ضعيف ومبتفارقش التليفزيون وبتضحك ع نفسك وعامل فيها شاب تاب بعد رحله عذاب, وبتابع البرامج بتاعتهم عشان تقنع نفسك انك بتتغير للأحسن, ثانياً هو بيستفيد مشاهدين والبرنامج بتاعه بيتملي اعلانات يعني من الأخر #سبوبه_جاريه
* بنصوم 16 ساعه ونص وبردو بنستهلك اضعاف كميه اكل الايام العاديه "رمضان احلي مع البط والمحشي والملوخيه واللحمه والفراخ والعسل النحل مش فاهم ايه دور العسل النحل هنا ولا هو ذياده اطباق وخلاص !!
* تحول شهر رمضان من 30 يوم تقوي وايمان وزهد إلي 30 يوم نفاق وكدب !!
= تلاقي بعض البنات ماسكه المصحف تقرأ سطرين وبعدين تسمع صوت حسن الرداد فِ التليفزيون تقفل المصحف وتشوف لقطه من المسلسل وترجع تكمل قرآن دا علي اعتبار ان حسن الرداد دا سنيكرز زي اشحن طاقتك عشان تكمل
= تلاقي بعض البنات ماسكه المصحف تقرأ سطرين وبعدين تسمع صوت حسن الرداد فِ التليفزيون تقفل المصحف وتشوف لقطه من المسلسل وترجع تكمل قرآن دا علي اعتبار ان حسن الرداد دا سنيكرز زي اشحن طاقتك عشان تكمل
= اما بالنسبه للشباب فهو بيتكلم عن الذنوب اللي ممتنع عنها اكتر من عدد شعر راسه ,, يابني انا ولله الحمد طول رمضان ما أشتريتش سيجاره !! اومال ايه اللي ف ايدك ده ؟ دي سيجاره حشيش اشرف مديهالي وماحبتش اكسفه .. تاخد نفس !
= بالنسبه للأسره !! حضراتكو مش مُجبرين علي عزومه رمضان,, لكن ياطنط عيب اوي انك تعزمي صفاء بنت خالتك عشان تحرقي دم شيماء بنت خالتك التانيه !! وبردو يااستاذ مصطفي غلط جداً ان نيتك ف عزومه الاستاذ علاء تكون عشان انت عينك من مراته او عشان تلاعبه عشرتين طاوله بعد الفطار .. فين الود فِ كده ؟!!
#الدكتور
ليست هناك تعليقات:
إرسال تعليق