‫#‏وجـهـة_نـظـر‬ [20]
‫#‏إعلانات_رمضانيه‬ ..!!

*قطونيل, تسويق منتجك دي حاجه جميله بس ذنب اهلي ايه عشان اشوف عيل لابس بوكسر ويتنطط قدامي !! اتقو الله فينا واعملو اعلانات قطونيل للبنات

* اغاني موبينيل فِ رمضان "عشان لازم نكون مع بعض او بحتاجلك وتحتاجلي" مبدئياً اسم الاغنيتين يتفهم غلط ومش هستبعد خالص ان اغنيه موبينيل فِ رمضان ده تكون " عاوزين نقرب من بعض شويه عشان نحس بحنيه"

*جمعيه رساله هتجيب بقره لـ أم محمد اللي عايشه ف قريه فقيره وهتصورها وهي بتحلب البقره وبتبيع اللبن وتروح البيت ب 5ج والعيال يحضنوها وفرحانين فرحه الزمالك بتصدرهم الدوري, مش بس كده جمعيه رساله هتجيب كرسي متحرك لـ عم سيد المشلول عشان يقدر يلعب كوره فِ دوره رمضان ! مشلول وهيلعب كوره ! عادي جداً وبعدين دي جمعيه رساله يابني تقدر تعمل اي حااجه

* مطعم ام حسن الأكل بتاعكو باين ان تحفه من الاعلانات بس استحلفكو بالله بلاش اعلانات قبل الفطار !! احساسي وانا بشوف الديك الرومي قدامي نفس احساسي لما هيفاء وهبي بتوطي تجيب حاجه من الارض

* فيري بقي و بريل الثنائي اللي مبينافسوش غير بعض اساسا, هيجيبو واحده عازمه ضيوف و ماسكه صنيه معفنه و تحط نقطه واحده من فيري بقدره قادر تتحول الصنيه إلي مرايه وده قمه الاعجاز العلمي زي عبعاطي بتاع الكفته

*ديتول, عرفنا ان مفيش زيه و بيقضي ع الجراثيم بنسبه %99.9 ودلوقتي بقي بنسبه 100% و ده ﻻن الجرثومه الوحيده اشتكت وزهقت من الوحده

* بالنسبه لمسابقات رمضان بقي يجيبولك صوره عادل امام ويحطو نقطه علي شعره ويقولك مين ده ؟ اتصل واكسب 1000ج ولو جاوبت غلط هنشحنلك ب 100ج وتلاقي واحد متصل يقولك الفنان ده مني ذكي !!

#الدكتور