‫#‏وجـهـة_نـظـر‬ [16]
‫#‏شعب_مات_إكلينيكياً‬ ..!!

= مساء الخير يا أستاذ شعب .. مالك يابني باصص فِ للأرض ليه ؟
- ..................

=ولابس اسود ليه !! فين التِ شرت الاحمر والشورت الابيض والشراب الاسود

- عندي حاااااااالاااااااااااااات وفاه

= حااالااات !! ليه كام واحد مات ومين دول ؟

- ضميري مات لما قصرت فِ واجباتي .. فقدت انسانيتي وانا بدافع عن انتمائي وميولي .. فقدت ديني لما اقسمت يمين الله كذب .. فقدت ديني فِ التبرير للظلم .. سبيت ديني عشان رأي ماعجبنيش .. نافقت عشان احقق هدفي .. كذبت عشان احقق غايتي .. فرحت فِ دم سايل .. شوفت دم ابرياء وفضلت ساكت .. سمحت لـ إعلام يفرق فينا .. سمحت لإنتماء يعمي عينينا

= حالتك صعبه اوي, تعالي نروح لدكتور ‫#‏شاب‬ هو اللي هيجيب الامل من جديد

- شاب !! دكتور شاب فِ المعتقل واللي ماسك العياده ابو جد الدكتور شاب

= ابو جده! إزاي العقل العجوز دا مسؤل عنا ! مش قالو الشباب بناه المستقبل ؟
- ..................

= بردو مبتردش ! ايه رأيك نحاول نزور دكتور شاب فِ المعتقل ويقولنا حل لحالتك

- دكتور شاب مش هيعرف يتكلم صوته اتنبح من من كلمه آآآآآآآآآآآه

= طيب يكتبلنا حل علي ورقه !! .. او نشوف الامل ف عينيه !!

- يكتب !! لو مسك قلم هيكتب سطور دم مليانه بـ الآآآآه وعينه شايفه جثث فِ ارض مليها الدم وحلم عمال يبعد واتحول سراب

= صدقني ياشعب فِ حل اكيد .. صدقني الوضع هيكون احسن
- ..................

= شعب ! ياشعب ! شعب مبتردش عليا ليه ؟ شعب قوم يلا ‫#‏شعب_ماتموتش‬

#الدكتور