‫#‏وجـهـة_نـظـر‬ [15]
‫#‏البنات_و_المناسبات‬ ..!!

* البنت لما بتسمع ان عندها مناسبه بتتشقلب فِ مكانها , أولاً عشان هتخرج وده فِ حد ذاته نجاح رهيب لأن المعروف عن البنت انها كائن ‫#‏سلحفائي_بيتوتي‬، ثانياً مش هتغسل المواعين فِ اليوم ده ، ثالثاً مش هتلم الغسيل ، رابعاً امها مش هتقولها كل ده نوم وطول الليل قعدالي قدام النت المخروب ده

* مراحل إستعداد البنت للمناسبه !! أولاً نفس اللحظه اللي البنت بتعرف ان عندها مناسبه بتقف قدام المرايا عشان تتأكد من شكلها وتبدأ تعمل حصر لعدد حبوب الشباب فِ وشها وتشوف إذا كان فِ إسمرار تحت عينها ولا لاء وتبدأ تحضر الكريمات والماسكات والميك آب اللي هيحولها من عبد الباسط حموده لـ كاتي بيري

* ثانياً , مرحله اختيار اللبس بتكون اصعب من مرحله اختراق خط بارليف, اما منظر السرير والدولاب والأرض فِ اللحظه دي نفس منظر ترعه المريوطيه , بعد كده تبدأ تجيب شعرها شمال ويمين وتقول ياه لو انزل كده وربنا هخربها , وينتهي الموضوع بطرحه فسفوري زمُـحلقي خرطوشي نفس لون بيض السبيط القطبي الجنوبي

* يوم المناسبه تلاقي بنت بتكون هاديه ومكسوفه , وبنت ضحكتها تجيب الاداب , وبنت مقضياها نحنحه وموب كل شويه قال ايه كوكو بيطمن عليها , وبنت بتتريق علي لبس البنات , وبنت بتقول ياه لو انا طويله زي اسراء , او ياريتني بيضه زي مياده , او ليه ياربي ماخلقتنيش بنت ناس زي ياسمين ومعايا اي فون 6

* الاهداف المطلوبه من المناسبه !! فِ بنت عاوزه تفصل شويه عن جو البيت وتطلع الشخصيه التانيه اللي غالباً م بتعرفش تتعامل بيها مع اهلها ، بنت رايحه توقع واد موز ماهو ماينفعش الطقم الجيد يتلبس ع الفاضي ، بنت رايحه تاخد سيلفي بوز البطه او ايدها فِ وسطها ومطلعه لسانها ، بنت بتاخد سيلفي مع شويه بنات حلوين وترفعها فيس " اونلي مي " عشان انت تتوه وتقول ياتري هي انهي واحده وغالباً بتكون اوحش واحده

#الدكتور