‫#‏وجـهـة_نـظـر‬ [19]
‫#‏سيناريوهات_رمضانيه‬ ..!!

* بص يا هشام ياتصوم زي الناس وزي م الدين بيقول ياتفطر وتريحنا لكن مش تنام طول النهار وتصحي ع المغرب وتقوولي اللهم لك صُمت وعلي رزقك افطرت

* ساره بالله عليكي بلاش تصوري الحلويات وترفعيها ع الفيس قبل الفطار, بلاش تخليني اضعف و أخد حتة كنافه أكُلها تحت السرير زي العيال الصغيره

* بص ياحودا انك تاخد دوش ف الحر اثناء الصيام دي حاجه جميله لكن انك تخلي المايه تنزل ع لسانك وتوهم نفسك انك بتشرب وجو البؤس دا فكك منه خالص

* طنط ام ايه وانتي رايحه تصلي التراويح اكتفي بالسبحه و السجاده فقط بلاش الكولمن والعصير والكنافه والقطايف دا جامع يا حااجه مش حديقه الازهر

*استاذ ابراهيم جو البص ع مراتك وهي بتمسح مش هينفع لم نفسك لبعد الفطار

* مياده البنات كلها بتغسل المواعين ودا العادي لكن مش لازم كل يوم بوست بعد الفطار وتقولي * اوووف بجد امتي المواعين تتهد* ارحمي مرارتي ياماما

* نفسي يا طارق تركز ف صلاه التراويح شويه مش بتفكر ف خطه الفريق اللي هتلعب بيها في دوره رمضان .. ماتحسسنيش انك محمود الجوهري

* فرحتيني يانورهان لما رفضتي تبوسي محمد فِ الموب, ولسه بقول *هييييه بنت محترمه* .. لقيتك بتقولي عيب يامحمد احنا صايمين استني لبعد الفطار

* كريم لو سمعتك بتقول *ماتخلنيش افطر عليك او صايم ولا زي كل سنه * هطلعك مع ريهام سعيد واظن مافيش اسوأ من كدا عقاب وساعتها هتقولك * مش ندمان, مش عطشان, حاسس بالذنب , وابقي سلملي ع مرارتك بقي

* اديني سبب مقنع يا اميره يخليكي تتصلي بنجوم إف ام بعد العصر ويقولولك نفسك تسمعي ايه ؟ وتقولي نفسي اسمع اذان المغرب

#الدكتور