#وجـهـة_نـظـر [9]
#اسئله_تحدت_المنطق ..!!
#اسئله_تحدت_المنطق ..!!
شئ حواليه و بيبقي عنده فضول لحاجات كتير بس ده بيختلف نسبياً من شخص لشخص بمعني ان ف ناس بتعرف تسيطر علي فضولها و متسألش ولا تدخل ف اللي ملهاش فيه و فِ العكس اللي تلاقيه عارف مقاس بوكسرك اللي انت ذات نفسك متعرفهوش.
* الشخص اللي بقاله فتره مشافكش و اول ما يشوفك يقولك " ايه ده انت لسه عايش ؟ " لا حضرتك انا ميت من 6 شهور بس لسه ف فتره الضمان.
* البنات ليهم اسئله توقف شعر الراس، تبقي لسه ضاربه محشي وممبار وشكولاتات و تقولك هو انا طلعلي كرش ليه ! هو حضرتك بعد العدوان الثلاثي دا كنتي مستنيه يطلعلك ايه ؟ مصباح علاء الدين !
* سؤال القرايب"ايه ده انت كبرت امتي؟" وعهد الله ما اعرف بس تقريبا حطوني ف الشمس و عليا شويه دقيق وبيجيبوا الاطفال يعملوا بيبي عليا عشان اكبر
* البنت يوم فرحها وفِ عز اندمجها تيجي واحده تقولها "مبرووك، عريسك ده " لأ يا حبيبتي دا دوبلير، عريسي مش بيظهر ف المواقف دي اصله خجول شويه
* سؤال الأم الشهير أول ما تيجي من برا "انت جيت؟" ف الحاله دي امشي وماتردش عليها ولو زعقت عشان مش بترد, قلد دلال عبد العزيز ف فيلم اسف علي الازعاج وقولها مش هرد عليك مش هرد مش هرد عارفه ليه؟ عشان انا لسه ماجتش ترا را را، مثلاً تبقي غرقان ف النوم وتيجي تصحيك عشان تسألك "انت نايم" لأ يا ست الكُل بجرب اموت اكلينيكياً
* تبقي لسه مخلصه مكالمه ف الموبايل وصاحبتك شايفاكي وتسألك "انتي كنتي بتتكلمي ف الموبايل؟" طب بزمه اهلك كده كنت حاطه الفون علي ودني ليه ! بدفيها مثلاً ولا سانده عليه زي انغام !
* عقلك الباطن بيطرح عليك اسئله وانت بتذاكر زي، مما يتكون السقف؟ لماذا يسبح السمك ف الماء؟ ماعدد شراباتي اللي مش لاقي فردتها التانيه ؟ تحس ان عقلك الباطن حالف بالطلاق انك ماتفتح كتاب.
* تيجي تخرجي من اوضتك ولابسه عشان هتنزلي وكله تمام وتلاقي مامتك طلعت ف وشك وبتقولك إنتي خارجه ؟! لأ يا ماما لا سمح الله انا بس بعمل عرض أزياء
ليست هناك تعليقات:
إرسال تعليق