#وجـهـة_نـظـر [10]
#خدمه_العملاء ..!!
- حض
رتك أنا كنت عاوز..
رتك أنا كنت عاوز..
= استفسار حضرتك بخصوص نفس الرقم ولا رقم اخر ؟
- هو انا كنت كملت كلامي ؟ انت بتقاطعني ليه حضرتك !!
= معلش اصل محقق اسكور فِ Subway وبتحدي هشام زميلي فِ الدعم الفني
- *بيبعد السماعه ويشتم* حضرتك النت مش شغال ف الفون ولسه مجدد الباقه
= اول مره تواجهني مشكله زي دي ! انا معتود اكلم ناس عندها راوتر عشان اقولهم اقفلو الراوتر وافتحوه تاني .. طيب بص اقفل التليفون وافتحه تاني
- تمام قفلته وفتحته .. بردو النت مش شغال
= طيب لمبه الـ ADSL منوره وثابته ولا بتتحرك ؟
- بقول لحضرتك انا فون مافيش لمبات
= معلش انا متعود يكون فِ لمبه تنور وتطفي, ممكن تشغل كشاف الموبايل وتقفله
- افندم ؟؟ ايه علاقة دا ب النت اصلا
= وربنا ما اعرف هشام الي قالي كدا, بص هو انت لازم تفتح نت النهارده يعني !
- انت مالك انت .. حضرتك انا عندي مشكله وانت تساعدني مالكش اكتر من كدا
= اصل مافيش جديد ف النت لسه الاخوان والسيسي بيشتمو بعض ف الكومنتات ؟ واحنا نور عين السيسي ومرسي راجع .. ولسه ايطاليان زملكاوي بتشتم مؤمن زكريا والاهلي اليوم لسه فرحان بماتش ال 1/6 .. والمصريين بيعملو كومنتات بالعربي ف بيدج روما وبيقولو ميسي خايف من محمد صلاح .. وشادي سرور لسه لابس اسدال امه وبيصرخ ف البيت .. والبت اللي عندها سرطان وخلتني اعيط طلعت بتشتغلنا كلنا وشكلها تقرب ليوسف الشريف .. ولسه البنات مش بتكلم ولاد .. والولاد لسه بيقولو انتي تستاهلي حد احسن مني ويخلع .. اما عن حال البلد هقولك مصر بتفرح ومتسألنيش بتفرح ازاي عشان اقسم بالله ما اعرف
- ...............................................................
= حضرتك مابتردش ليه هو انا ضايقتك ؟! طب ف حد من جيرانك عنده راوتر ؟
- اه ليه ؟
= خليهم يقفلوه ويفتحوه تاني
- ...............................................................
ليست هناك تعليقات:
إرسال تعليق